Opus Nettsiden

MELDING OM OPPSTART AV DETALJREGULERINGSPLAN FLÅM SENTRUM – COOP

I medhald av Plan og bygningsloven (pbl.) § 12-8 vert det kunngjort varsel om oppstart av reguleringsplanarbeid for Flåm sentrum – Coop. Planen vert utarbeidd som ein detaljreguleringsplan, jf. pbl. § 12-3.

I medhald av Plan- og bygningsloven § 17-4 vert det samstundes varsla oppstart av forhandlingar om utbyggingsavtale mellom utbyggar og Aurland kommune. Utbyggingsavtalen vil avklare nødvendige tiltak og infrastruktur for gjennomføring av reguleringsplanen. Eventuelle merknadar til oppstart av forhandlingane kan sendast innan same frist som merknadar til planoppstarten.

Reguleringsplan 

Planen vert utarbeidd som ein privat detaljreguleringsplan etter pbl. § 12-3, kor det vil bli utarbeidd arealplankart med tilhøyrande føresegner som fastset bruk, vern og utforming av arealet etter pbl. § 12-1.

Forslagsstillar

Forslagsstillar er Wangen Eigedom AS. Opus Bergen AS er plankonsulent.

Planområdet

Planområdet ligg ved A-feltvegen i Flåm sentrum og omfattar delar av eigedomen gbnr.  36/159, inkludert festetomt med festenr. 16. Samla er planområdet 7,4 daa. Sjølve tiltaket skal plasserast innanfor felt BAA1 i områdereguleringsplanen for Flåm. Tilliggjande vegareal er inkludert i planområdet for å sjå på moglegheitene for å betre trafikkløysingane i området. Åtkomst til planområdet vil vere frå A-feltvegen. Planavgrensinga er bestemt i samråd med Aurland kommune og er definert ut frå storleiken på tiltaket og føringar gjeve i overordna områdereguleringsplan.

Figur 1. Varselkart med forslag til plangrense

Planstatus

Områderegulering Flåm, planID 2016006 (gjeldande frå 30.03.2023)

I områderegulering Flåm er arealet avsett til Bebyggelse og anlegg kombinert med andre gjevne hovudføremål (BAA), gangveg/gangareal/gågate (SGG), friområde (FRI), køyreveg (SKV) og fortau (SF). Innafor felt BAA1 opnar områderegulering for blanda næringsføremål, under dette hotell og bevertning, forretning, kontor, service, offentleg/privat tenesteyting og parkeringsplass-/anlegg.

Følgjande omsynssoner ligg innanfor planområdet:

  • H310_1-2 Fareområde flodbølgje
  • H320_1-2 Flaumfare Fareområde flaum og stormflo
  • H220_1 Gul støysone

Formålet med reguleringsplanen

Formålet med planarbeidet er å leggje til rette for blanda næringsføremål med utviding av det eksisterande Coop-bygget på tomta. Vidare planarbeid skal vurdere nærare kva føremål som er aktuelle for tomta – forretning, overnatting og/eller kontor. Planen skal òg leggje til rette for etablering av nødvendig infrastruktur som tilkomst, parkering og uteareal.

Intensjonen med planen er å leggje til rette for ei betre utnytting av feltet enn etter dagens situasjon. Flåm opplev auka førespurnad og heilårsdrift innanfor turisme, og tiltaket tek sikte på å leggje til rette for overnatting som gjev eit betra tilbod i Flåm sentrum. Planarbeidet vil også ta omsyn til trafikale forhold med åtkomst for køyrande og mjuke trafikantar, samt tilrettelegging av friområdet langs Flåmselva. Det vil bli utarbeidd VA-rammeplan i forbinding med planarbeidet.

Planframlegget vil følgje opp hovudtrekk og rammer i overordna områdereguleringsplan for Flåm.  I områdeplanen vert det opna for at ved utarbeiding av detaljreguleringsplan kan ein vurdere å heve byggjehøgda inntil maksimal gesimshøgd på inntil 19 meter. I vidare planarbeid vil ein vurdere heving av byggehøgda innanfor grensa gjeve i områdereguleringa. Heving av byggehøgda vil utløyse dokumentasjonskrav for geoteknisk stabilitet, omsyn til kulturmiljø og landskap, samt framlegg til kompenserande tiltak for å avgrense belastninga på nærmiljøet.

Informasjon og medverknad

Varsel om oppstart av planarbeid vert sendt til råka partar og myndigheiter i samsvar med plan- og bygningslova § 12‑8. Varslingsbrevet med vedlegg vil vere tilgjengeleg for nedlasting på Opus sine nettsider (www.opus.no). For nærare informasjon om planarbeidet kan ein kontakte Opus  via telefon eller e‑post, sjå kontaktinformasjon under.

Innspel til oppstartsvarselet

Innspel til planarbeidet sendast til Opus via Altinn, e-post eller brev.

OPUS Bergen AS

Nordre Nøstekaien 1

5011 Bergen

tlf. 55 21 41 50

e-post:

post@opus.no

Frist for å sende inn merknadar er sett til 13.09.2026

Vi ber om at innspel/merknad vert merka med prosjektnummer p26004.

Det er ikkje nødvendig å sende kopi av merknadane til Aurland kommune – dette vert ivareteke av Opus. Alle mottekne dokument, merknadar og anna blir sendt til kommunen saman med planforslaget. Merknadane vert vurdert, kommentert og handtert i plansaka gjennom planprosessen.

 

Med venleg helsing

OPUS Bergen AS

v/ Taral Zahl Jensen

 

Vedlegg