VARSEL OM UTVIDET PLANGRENSE
Oppstart av planarbeidd til detaljregulering for Bildetangen BS14 og BS15 – gnr./bnr. 34/557 m.fl. – Bildøyna, Øygarden kommune, plan-ID 20240008, saksnr. 2024/8727, ble kunngjort 21.02.2025. Det blir med dette kunngjort utviding av planområdet. Grunneigarar og naboar som blir råka av utvidinga blir varsla direkte. Dokumenta kan de sjå i Øygarden kommune sitt digitale planregister, arealplaner.no. Plangrensa er utvida til å omfatte meir av delfelt BS13 i områdereguleringa for Bildetangen SE1, plan-ID 124620140001. Delar av arealet var inkludert ved varsel om oppstart, og vert no utvida ytterlegare for å leggje til rette for sentrumsføremål, mellom anna hotell.
Forslagsstillar
Prosjekt Kystby AS er forslagsstillar. OPUS Bergen AS er utførande konsulent for planlegginga.
Planområdet
Planområdet ligg på Bildøyna i Øygarden kommune og omfattar gnr./bnr. 24/557 og 558 mfl. Planarbeidet gjeld detaljregulering av delfelt BS14 og BS15, samt mindre delar av BS12 og BS13, i områdeplan for Bildetangen (plan-ID 124620140001), vedteken i 2024. Planområdet ligg sør på Bildetangen, med tilkomst frå Skjergardsvegen og ny regulert veg i Sotrasambandet, plan-ID 124620130001. Det er om lag 10 minutt å gå til Straume sentrum og om lag 1 km til Sartor Storsenter. Planområdet er avgrensa som vist på kartutsnittet nedanfor.
Figur 1. Planområde med utvida grense markert
Planstatus
I kommuneplanen sin arealdel (KPA 2015–2026) er hovuddelen av planområdet vist som sentrumsføremål. Det same ligg til grunn i KDP Bildøyna/Sotra Kystby 2013–2024.
Gjeldande reguleringsplan er områderegulering for Bildetangen SE1, gnr./bnr. 34/2 mfl. – Bildøyna. plan-ID 124620140001, vedteken i 2024.
Tilstøytande plan er områdereguleringsplan for rv. 555 Sotrasambandet, parsell Kolltveit – grense Fjell/Bergen kommune, plan-ID 124620130001, vedteken i 2016.
Føremålet med detaljreguleringa
Føremålet med detaljreguleringa er å vidareføre sentrumsføremålet i områdeplanen for delfelta BS14 og BS15. Tiltaket skal vere første ledd i utbygginga av områdeplanen. Planen legg til rette for ei variert funksjonsblanding i tråd med sentrumsføremålet, mellom anna næring, handel, privat og offentleg tenesteyting, kontor, bustad og hotell.
Det skisserte tiltaket er vurdert etter konsekvensutgreiingsforskrifta §§ 6–8, samt § 10, og er vurdert til ikkje å vere konsekvensutgreiingspliktig. Tiltaket er i tråd med områdereguleringa som vart vedteken i 2024, og følgjer overordna føringar og retningsliner.
Verknad av planen
Reguleringsplanen vil leggje rammene for gjennomføringa av tiltaket.
Informasjon og medverknad
Varselbrev vert sendt til råka grunneigarar og naboar, samt offentlege høyringsinstansar. Dokumenta vil òg vere tilgjengelege for nedlasting på Opus si nettside, opus.no: https://opus.no/planvarsling/. For nærare informasjon kan Opus bli kontakta på telefon eller e-post. Sjå kontaktinformasjon nedanfor.
Innspel til varselet
Innspel til utvida plangrense kan sendast til Opus per e-post eller brev. Eventuelle merknader bør avgrensast til forhold som gjeld den utvida plangrensa. Tidlegare innkomne merknader vil følgje saka vidare.
| OPUS Bergen AS Nordre Nøstekaien 1 5011 Bergen tlf. 55 21 41 50 |
e-post: |
Vi ber om at det i innspelet eller merknaden vert vist til prosjektnummer P24017 Bildøy BS14 og BS15.
Frist for merknader er sett til 10.07.2026
Det er ikkje naudsynt å sende kopi av merknader til Øygarden kommune, då Opus vil oversende alle mottekne innspel saman med planforslaget. Ver merksam på at det ikkje vert sendt eige svar til kvar avsendar. Innspela vert vurdert, kommentert og handtert som ein del av plansaka og den vidare planprosessen.
Med venleg helsing
OPUS Bergen AS
v/ Kristel Bellerby
Vedlegg:
Varselkart
Varselbrev